Hund

Nokre ting du bør hugse viss du har hund:

Foring

Me forventar mykje av hundane våre. Mange vil at dei skal ha blank pels, andre at dei skal ha stabil mage (ikkje "luftutslepp") eller ikkje måtte gå på do for ofte. Uansett krav til hunden ynskjer alle å leva eit langt og godt liv med hunden sin. Inndelinga i  karbohydrat, feitt og protein er ikkje eintydig, men denne grove inndelinga gjer at billigfor ofte liknar kvalitetsfor. Det som gjer eit for betre enn eit anna er kva råvarer foret er laga av. Kvalitetsfor har faste råvareleveransar som sikrar ein god høg kvalitet på foret.
  
Me forhandlar Eukanuba og Iams. Iams har komme best ut i ein stor dansk test. 
Vår kontakt med billigfor er som regel gjennom dyr med hudproblem. Etter å bytta for vert mange av desse betre. Difor er det viktig for oss å kunne tilby kundane våre kvalitetsfor.

Id-merking

Om du er redd for at hunden din skal forsvinne, er det lurt å merka han. Me kan merke hunden din med microchip. Dette er ein riskorn-stor transponder som vert injisert under huda med ei slags spøyte. Chippen ber eit nummer som vert registrert eit nasjonalt register. Dette gjer det enkelt å finna eigaren til vekkomne dyr. Politi, dei fleste dyrlegar, redningsselskap har utstyr til å lese av microchipen/transponderen. Me kan i tillegg tatovere inn ID i øyra på hunden om du ønskjer eit synleg teikn på at den er merka. 
Meir om id-merking frå Dyreidentitet

Operasjonar

Me føretek mindre og større blautvevsoperasjonar på hundar, som t.d. kastreringar, keisarsnitt, steriliseringar, blodøyre, svulstfjerning og operasjonar i tarm og augelok m.m.

Ormekur

Det er generelt ikkje anbefalt å behandle førebyggande mot innvollsorm. Unntak finst, bl.a. av kvelpar (behandlingsanbefalingar varierar, men behandling i veke 3, 6, 9 og 12, ved eit halvt års alder og diande tisper (4 veker etter kvelping) skal i dei fleste tilfelle vera nok.  Me får ofte rapportert at kvelpane har mykje spolorm i avføringa ved 3 vekes alder. For minske risikoen kan det vera lurt å behandle tispa i siste trimester, alternativt kvelpane ved 1 vekes alder.  Kontakt oss om du treng ormekur til hunden din. Me kontaktar då apoteket, som igjen sender dette til ditt medisinutsal.  Ormekur til hund og katt vart reseptpliktig frå juni 2009.

Reise til utlandet

Ein kan ikkje utan vidare ta hund og katt med på ferie til utlandet. Merk at det er spesielle krav ved import av hund til Svalbard.
Mattilsynet har utarbeidd eit  skjema for reise til Noreg her .
Nokre kommentarar:  "+21 dager" betyr at vaksineringa må ha skjedd for meir enn 21 dagar før tilbakereise til Noreg. Hund frå Sverige må behandlast mot dverbendelorm i løpet av dei siste 48 timane før innreise til Noreg, og i tillegg fylle eigenerklæring. Ormekurbehandling frå andre land skal gjerast i løpet av dei siste 10 dagar før heimreise til Noreg, og i løpet av dei 7 fyrste dagane i Noreg. Det er viktig å få attestert desse ormekurane av veterinær.

Lenker: Tollvesenet , Mattilsynet

Tenner

Tannstein

Mange hundar har mykje tannstein. Denne bryt på sikt ned vevet som bitt tennene fast i kjevebeina. Tannstein gir ôg dårleg ande. Hundar som er plaga med tannstein bør difor få rensa tennene regelmessig.

Trekking av tenner

Knekte og lause tenner er til stor plage for dyret. Slike tenner må som regel trekkast. 

Vaksinering

Kvalpesykje, hundeparvo, smittsam leverbetennelse, kennelhoste Dette er sjukdomar som skuldast virus som finst der hundar finst, ôg i vårt distrikt.  Me anbefalar å  vaksinere alle hundar ein gong i året.

Rabies

Sjukdomen finst ikkje i Noreg, men ved reise til andre land, med unntak linka til under "Reise til utlandet" , er det krav om at hunden er vaksinert mot rabies. 
Merk at det ved første gongs vaksinering tek omlag 5 månadar frå fyrste vaksine er satt til du kan ta hunden ut av landet. Deretter må hunden vaksinerast ein gong i året. Faktaark frå Veterinærinstituttet.

Leptospiose

Me anbefalar at du vaksinerar hunden din mot leptospiose om den skal vere med  på tur til utlandet, og særleg om reisa går til Aust-Europa, Middelhavet, tropane eller enno lenger vekk. Faktaark frå Veterinærinstituttet